Hlaupið

Víknaslóðir 23.4 km (lengri leiðin)

Vegalengd: 23.4 km
Heildarhækkun: 1076m
Heildarlækkun: 1132m
Hæsti punktur: 445m.y.s
Lægsti punktur: 5m. y.sm.
ITRA punktar: 1 punktur

Leiðin hefst við Þverá í innsveit Borgarfjarðar. Fyrst um sinn er hlaupið eftir jeppaslóða áður en er beygt inn á gönguleið um Urðarhóla. Þar er stuttur grófur kafli áður en er komið að hinu fallega Urðarhólavatni. Þaðan er hlaupið eftir gönguleið að Víknaheiði (258m) inn á grófan jeppaslóða sem liggur út Breiðuvík að gönguskála. Farið er yfir Stóruá í Breiðuvík á göngubrú. Frá Breiðuvík er hlaupið eftir gönguleið um gróið land og mela ofan Kjólsvíkur að Syðra-varpi í 445m hæð. Þaðan er hlaupið ofan við Hvalvík og svo út Brúnavík niður að slysavarnaskýli. Þar sem hlaupaleiðirnar mætast. Vaða þarf Brúnavíkuránna sem er ekki mikið vatnsfall og er hún þveruð alveg niður við sjó. Frá Brúnavík tekur við stíf brekka fyrst áleiðis að Brúnavíkurskarði (354m). Hlaupið er þennan hluta leiðarinnar eftir gamalli reiðgötu sem er góð og mikið gengin. Frá Brúnavíkurskarði liggur leiðin niður að sjó og síðustu 400 metrana er hlaupið á malbiki að endamarki við Borgarfjarðarhöfn.

Drykkjarstöð er á tveimur stöðum á leiðinni í Breiðuvík og Brúnavík með vatni.

Skyldubúnaður keppenda fer eftir veðri og vindum en allir þátttakendur er krafðir um að vera með drykkjarílát og flautu hvernig sem viðrar. Ef það verður rigning og kuldi þurfa þátttakendur af vera með regnjakka og álteppi.

Dyrfjallahlaup – Brúnavíkurleið 11.7 km (styttri leiðin)

Vegalengd: 11.7km
Heildarhækkun: 701m
Heildarlækkun: 707m
Hæsti punktur: 354m.y.s
Lægsti punktur: 15m. y.sm.

Rásmark verður við Hólahorn á Borgarfirði og hlaupið fyrst um sinn með grófum jeppaslóða yfir Hofstrandarskarð (350m) til Brúnavíkur. Jeppaslóðinn endar innst í víkinni og þar er farið inn á gönguleið sem liggur að gömlu slysavarnaskýli þar sem hlaupaleiðirnar mætast. Frá Brúnavík tekur við stíf brekka fyrst áleiðis að Brúnavíkurskarði (354m). Hlaupið er þennan hluta leiðarinnar eftir gamalli reiðgötu sem er góð og mikið gengin. Frá Brúnavíkurskarði liggur leiðin niður að sjó og síðustu 400 metrana er hlaupið á malbiki að endamarki við Borgarfjarðarhöfn.

Enginn skyldubúnaður er í hlaupinu en við mælum með að allir hlauparar séu með flautu til að láta vita af sér ef eitthvað kemur upp á og ef það er kalt í veðri og rigning þá er mjög gott að vera með regnjakka og álteppi meðferðis.

Drykkjarstöð verður í Brúnavík með vatni og þátttakendur þurfa að vera með eigið drykkjarílát.

Dyrfjallahlaup – Brúnavíkurleið 11.7 km (styttri leiðin)

Vegalengd 11.7km – Heildarhækkun: 701m – Heildarlækkun: 707m – Hæsti punktur: 354m.y.s – Lægsti punktur: 15m. y.sm.

Rásmark verður við Hólahorn á Borgarfirði og hlaupið fyrst um sinn með grófum jeppaslóða yfir Hofstrandarskarð (350m) til Brúnavíkur. Jeppaslóðinn endar innst í víkinni og þar er farið inn á gönguleið sem liggur að gömlu slysavarnaskýli þar sem hlaupaleiðirnar mætast. Frá Brúnavík tekur við stíf brekka fyrst áleiðis að Brúnavíkurskarði (354m). Hlaupið er þennan hluta leiðarinnar eftir gamalli reiðgötu sem er góð og mikið gengin. Frá Brúnavíkurskarði liggur leiðin niður að sjó og síðustu 400 metrana er hlaupið á malbiki að endamarki við Borgarfjarðarhöfn. Drykkjarstöð verður í Brúnavík með vatn og orkudrykki.

Kort af hlaupaleiðunum

Video af hlaupaleiðunum